ஊழல் வழக்கில் குற்றச்சாட்டு பதிவுசெய்யப்பட்டுள்ளதால் இமாச்சலப் பிரதேசத்த்தின் முன்னாள் முதலமைச்சரும் மத்திய அமைச்சருமான வீரபத்ர சிங் ஜூன் 26 அன்று பதவி விலகினார்.
இந்திய குடியரசுத் தலைவர் தேர்தலில் ஐக்கிய முற்போக்குக் கூட்டணி சார்பில் பிரணாப் முகர்ஜியும், தேசிய ஜனநாய கூட்டணி சார்பில் பி.ஏ.சங்மாவும் ஜூன் 28 அன்று வேட்புமனு தாக்கால் செய்தனர்.
ஜூன் 28 அன்று மதியம் 2 மணிக்கு சென்னை அண்ணா மேம்பாலத்தில் மாநகரப் பேருந்து கவிழ்ந்து 40 பேர் காயமடைந்தனர். இது அண்ணா மேம்பாலத்தில் நிகழ்ந்த முதல் விபத்து.
பாகிஸ்தானில் உளவு பார்த்ததாக 1980 ல் கைது செய்யப்பட்டு 31 ஆண்டுகள் சிறையில் இருந்த சுர்ஜித் சிங் ஜூன் 27 அன்று விடுதலை செய்யப்பட்டு ஜூன் 28 ல் இந்தியா வந்தார்.
பன்னாட்டுச் சந்தையில் கச்சா எண்ணெய் விலை குறைந்ததைத் தொடர்ந்து, பெட்ரோல் லிட்டர் ஒன்றுக்கு ரூ.3 அளவுக்கு ஜூன் 29 முதல் குறைக்கப்பட்டது.
கருநாடக பா.ஜ.க.அரசின் 10 அமைச்சர்கள் எடியூரப்பாவுக்கு ஆதரவாக ஜூன் 29 அன்று பதவி விலகினர்.
மத்திய கல்வி வாரிய நூலில் இடம் பெற்றிருந்த அம்பேதகர் மற்றும் இந்தி எதிர்ப்பு போராட்டம் குறித்த கேலிப்படங்களை நீக்கி ஜூன் 29 அன்று மத்திய மனித வள அமைச்சர் கபில் சிபல் ஆணையிட்டார்.
உலக வங்கியின் 12 ஆவது தலைவராக அமெரிக்காவைச் சேர்ந்த தென்கொரியரான ஜிம்யோம்கிம் ஜூலை 1 அன்று பொறுப்பேற்றார்.
சென்னை, அண்ணா நூற்றாண்டு நூலக அரங்கத்தில் திருமண நிகழ்ச்சிகளுக்கு அனுமதி வழங்கக்கூடாது என தமிழக அரசுக்கு சென்னை உயர்நீதிமன்றம் ஜூலை 2 அன்று ஆணையிட்டது.
அ.தி.மு.க.அரசின் அடக்கு முறைகளைக் கண்டித்து தி.மு.க.வின் சிறை நிரப்பும் போராட்டம் ஜூலை 4 அன்று நடந்தது. இதுவரை இந்தியாவில் இல்லாத அளவுக்கு 2.5 இலட்சம் பேர் பங்கேற்ற இப்போராட்டத்தில் ஈடுபட்டனர். மு.க.ஸ்டாலின், கவிஞர் கனிமொழி உள்பட அனைவரும் கைது செய்யப்பட்டு அன்று மாலை விடுதலை செய்யப்பட்டனர்.
உச்சகட்ட கோஷ்டி மோதலைத் தொடர்ந்து கர்நாடக அரசின் பா.ஜ.க.முதலமைச்சர் சதானந்த கவுடா ஜூலை 8 அன்று பதவி விலகினார். ஜூலை 11 அன்று புதிய முதலமைச்சராக ஜகதீஷ் ஷட்டர் பொறுப்பேற்றார்.
.jpg)
.jpg)
.jpg)
.jpg)