சங்கரராமன் கொலை வழக்கு விசாரணைக்குத் தடை விதிக்க முடியாது என்று சென்னை உயர்நீதிமன்றம் மறுப்புத் தெரிவித்து மார்ச் 23 இல் ஆணையிட்டுள்ளது.
தமிழக காவல் துறையில் சட்டம் ஒழுங்கு டிஜிபி லத்திகா சரண் விடுப்பில் சென்றதையடுத்து லஞ்ச ஒழிப்புப் பிரிவு டி.ஜி.பியாக இருந்த போலோநாத் காவல்துறைத் தலைவராக மார்ச் 24இல் பொறுப்பேற்றுள்ளார்.
பாலாற்றின் குறுக்கே ஆந்திரா தடுப்பணை கட்ட தமிழகம் எதிர்ப்புத் தெரிவித்து வருவது தொடர்பாக, இரு மாநில உயர் அதிகாரிகளையும் அழைத்து மத்திய நீர்வளத் துறைச் செயலாளர் பேச்சு நடத்த வேண்டும் என்று மார்ச் 28 இல் உச்ச நீதிமன்றம் ஆணையிட்டுள்ளது.
சிரியா நாட்டு மக்களின் தொடர் போராட்டம் காரணமாக அந்நாட்டுப் பிரதமர் மகமது நாஜி ஓட்ரி மார்ச் 29 இல் ராஜினாமா செய்துள்ளார்.
மியான்மாவில் மார்ச் 30 இல் இராணுவ ஆட்சி முடிவுக்கு வந்ததையடுத்து, தெய்ன் செய்ன் புதிய அதிபராகக்கொண்ட 2 துணை அதிபர்கள் 58 அமைச்சர்கள் உள்ளிட்ட அமைச்சரவை அன்றே பொறுப்பேற்றுள்ளது.
ஜப்பானில் மார்ச் 31 இல் ரிக்டர் அளவுகோலில் 6.2 என்ற அளவில் மீண்டும் பூகம்பம் ஏற்பட்டுள்ளது.
தேர்தல் கமிசன் நடத்தும் வாகன சோதனைக்குத் தடைஇல்லை என சென்னை உயர்நீதிமன்றம் ஏப்ரல் 1 இல் ஆணையிட்டுள்ளது.
அசாம் சட்டசபைக்கு முதல்கட்டமாக 62 தொகுதிகளில் ஏப்ரல் 4 இல் தேர்தல் நடைபெற்றுள்ளது.
ரஷ்யாவின் சோயுஸ் விண்கலம் விண்வெளி வீரர்களுடன் பைகானூர் விண்வெளி நிலையத்திலிருந்து ஏப்ரல் 5 இல் விண்ணில் செலுத்தப்பட்டுள்ளது.
