பெண்ணால் முடியும்!

உலக குத்துச்சண்டைப் போட்டியில்

தங்கம் வென்ற நிகத் ஜரீன்!
துருக்கியில் நடந்த சர்வதேச குத்துச்-சண்டை சங்கத்தின் (IBA) உலக மூத்தோர் பெண்கள் குத்துச்சண்டை சாம்பியன்ஷிப்பில் தங்கம் வென்றார். வியாழக்கிழமை நடைபெற்ற 52 கிலோ பிரிவு (பிளை வெயிட்) இறுதிப் போட்டியில் நிகத் 5_-0 என்ற புள்ளிக்கணக்கில் ஜிட்பாங் ஜூடாமஸை (தாய்லாந்து) தோற்கடித்தார்.
முன்னதாக நடந்த அரையிறுதியில் நிகத்,
5_0 என்ற புள்ளிக்கணக்கில் கரோலின்
டி அல்மேடாவை (பிரேசில்) தோற்கடித்தார்.

இறுதிப் போட்டியை எட்டினார்
போட்டியின் முதல் சுற்றில் ஹெர்ரேரா அல்வாரெஸ் 5_-0 என்ற புள்ளிக்கணக்கில் பாத்திமாவைத் (மெக்சிகோ) தோற்கடித்தார். இரண்டாம் சுற்றில் லட்சகானை 5_-0 என்ற புள்ளிக்கணக்கில் வீழ்த்தி காலிறுதிக்கு முன்னேறினார். மேலும் காலிறுதியில் சார்லி சீன் டேவிசனை (இங்கிலாந்து) 5_-0 என்ற புள்ளிக்கணக்கில் வென்று அரையிறுதிக்கு முன்னேறினார் நேகி.
அரையிறுதியில் கரோலினை 5-_0 என்ற புள்ளிக்கணக்கில் தோற்கடித்து தங்கப் பதக்கப் போட்டிக்குத் தகுதி பெற்றார்.

இளையோர் உலக சாம்பியன்
நிஜாமாபாத்தைச் சேர்ந்தவர் நிகத் ஜரீன், 25. சிறுவயதில் இருந்தே குத்துச்சண்டை விளையாடி வரும் நிகத், இளையர் பிரிவில் உலக சாம்பியன் ஆனார். 2011ஆம் ஆண்டு துருக்கியில் நடைபெற்ற ஜூனியர் குத்துச்சண்டை வாகையர் போட்டியில் 50 கிலோ பிரிவில் பதக்கம் வென்று உலக சாம்பியன்ஷிப்பை வென்றார்.
மேரி கோம் இதுவரை இந்தியாவில் இருந்து ஆறு முறை உலக சாம்பியன்ஷிப் வென்றுள்ளார். அதன் பிறகு, சரிதா தேவி, ஜென்னி ஆர்.எல்.லேகா ஆகியோர் பெண்கள் உலக வாகையர் போட்டியில் வென்றுள்ளனர். நிகத் தற்போது இந்தப் பட்டியலில் இடம் பிடித்துள்ளார்.

தந்தையின் ஊக்கத்துடன்….
தெலங்கானா மாநிலம் நிஜாமாபாத்தில் பிறந்த நிகத் தற்போது அய்தராபாத்தில் வசிக்கிறார். நிகத் ஜரீனின் தந்தை முகமது ஜமீல் அகமது தனது மகளுக்கு குத்துச்சண்டையில் ஊக்கம் அளித்து ஓராண்டு காலம் பயிற்சியளித்தார். பின்னர் 2009இல் விசாகப்-பட்டினத்தைச் சேர்ந்த துரோணாச்சார்யா விருது பெற்ற அய்.வி.ராவிடம் பயிற்சி பெற்றார்.
அதன் பிறகு பல தேசிய மற்றும் சர்வதேசப் போட்டிகளில் விளையாடியுள்ளார். டார்கெட் ஒலிம்பிக் போடியம் திட்டத்தின் கீழ் பயிற்சி அளிக்க இந்திய விளையாட்டு ஆணையம் இவரைத் தேர்வு செய்துள்ளது. பேங்க் ஆஃப் இந்தியாவில் வேலை செய்கிறார். அய்தராபாத்தில் உள்ள ஒரு கல்லூரியில் பட்டப்படிப்பு படித்து வருகிறார்.
பெண்களுக்கான சீனியர் குத்துச்சண்டை சாம்பியன்ஷிப் போட்டிக்கு முன்னதாக பிப்ரவரியில் நடந்த 73ஆவது ஸ்ட்ராண்ட்ஜா மெமோரியல் குத்துச்சண்டைப் போட்டியின் அரையிறுதியில் டோக்கியோ ஒலிம்பிக்கில் வெள்ளிப் பதக்கம் வென்ற பூஸ் நாஸை இவர் தோற்கடித்து தங்கம் வென்றார்.

நிகத் வென்ற பதக்கங்கள்
2011 : ஜூனியர் உலக சாம்பியன்ஷிப்பில் தங்கம்.
2018 : பெல்கிரேடு சர்வதேச குத்துச்சண்டை சாம்பியன்ஷிப்பில் தேர்ச்சி.
2018 : அரியானாவில் நடந்த பெண்கள் சீனியர் தேசிய சாம்பியன்ஷிப்பில் வெண்கலம்
2019 : இந்தியா ஓபனில் வெண்கலம்
2019 : ஆசிய சாம்பியன்ஷிப்பில் (தாய்லாந்து) வெள்ளி
2019 : தாய்லாந்து ஓபனில் வெள்ளி
2019 : 70ஆவது பதிப்பு ஸ்ட்ராண்ட்ஜா குத்துச்சண்டைப் போட்டியில் தங்கம் (பல்கேரியா)
2021 : இஸ்தான்புல் போட்டியில் வெண்கலம்
2022 : 73ஆவது பதிப்பு ஸ்ட்ராண்ட்ஜா குத்துச்சண்டைப் போட்டியில் தங்கம் (பல்கேரியா)
பெண்கள் உலக குத்துச்சண்டைப் போட்டி-யில் தங்கம் வென்ற நிகத் சரீனுக்கு தமிழ்நாடு முதலமைச்சர் பாராட்டு தெரிவித்துள்ளார்.