ஈரானில் டிச 20 இல் 6.5 அலகுகளாக நிலநடுக்கம் ஏற்பட்டுள்ளது.
முல்லைப் பெரியாறு அணையில் அய்வர் குழுவினர் டிச 21 இல் ஆய்வினை மேற்கொண்டுள்ளனர்.
அணுசக்தி, மின்சார உற்பத்தி உள்ளிட்ட 30 புதிய ஒப்பந்தங்களில் இந்தியாவும் ரஷ்யாவும் டிச 21 இல் கையெழுத்திட்டுள்ளன.
அணு ஆயுதங்களைச் சுமந்து, 350 கி.மீ. தூரம் சென்று தாக்கக்கூடிய பிருத்வி – 2 ஏவுகணைகள் ஒரிசாவில் உள்ள ஏவுதளத்தில் இருந்து டிச 22 இல் வெற்றிகரமாக சோதனை செய்து பார்க்கப்பட்டுள்ளது.
காமன்வெல்த் விளையாட்டுப் போட்டி ஊழல் தொடர்பாக, சுரேஷ் கல்மாடியின் வீடுகள் மற்றும் அலுவலகங்களில் டிச 4 இல் சி.பி. அய் அதிகாரிகள் சோதனை நடத்தியுள்ளனர்.
பாகிஸ்தானில் பெண் மனித வெடிகுண்டு டிச 25 இல் நிகழ்த்திய தாக்குதலில் 46 பேர் உயிரிழந்துள்ளனர்.
சென்னையில், தேசிய குழந்தைகள் அறிவியல் மாநாட்டை முதல் அமைச்சர் கலைஞர் டிச 27 இல் தொடங்கி வைத்துள்ளார்.
சென்னை மாநகராட்சி 200 வார்டுகளாக விரிவுபடுத்தப்பட்ட தீர்மானம் டிச 30 இல் நடைபெற்ற மாநகராட்சி மன்றக் கூட்டத்தில் நிறைவேற்றப்பட்டுள்ளது.
அசாம் உள்ளிட்ட வடகிழக்கு மாநிலங்களில் வலுவாக உள்ள உல்பா தீவிரவாத இயக்கத் தலைவர் அரபிந்த ராஜ்கோவா டிச 30 இல் ஜாமீன் கிடைத்து ஜன 1 இல் விடுதலை செய்யப்பட்டார்.
பிரேசில் நாட்டின் முதல் பெண் அதிபராக டில்மா ரவுசப் ஜன 1 இல் பொறுப்பேற்றுள்ளார்.
பாகிஸ்தான் அரசு, நீதித்துறையுடன் கொண்டிருந்த மோதல் போக்குக்கு முடிவுகட்டும் வகையில் உச்ச நீதிமன்ற நீதிபதிகளை நியமிப்பதற்கான சட்டத்திருத்தத்தில் அதிபர் சர்தாரி ஜன 2 இல் கையெழுத்திட்டுள்ளார்.
